Ukrayna prezidenti Vladimir Zelenski xalqa gündəlik video nitqində bazar günü mediada geniş şəkildə yayılan Butjada həlak olan mülki şəxslərin görüntülərini şərh edib. CNN xəbər verir ki, o, Rusiyanı “müharibə cinayətləri” adlandırdığı cinayətlərə son qoymağa çağırıb və vurğulayıb ki, Rusiya liderləri ordularının etdiklərinə görə cavab verməlidirlər.
“Mən istəyirəm ki, bütün Rusiya liderləri əmrlərinin necə yerinə yetirildiyini görsünlər və məsuliyyəti öz üzərinə götürsünlər. Bu cinayətlərə, işgəncələrə, başının arxasından güllə yarası alan insanlara. İndi Rusiya dövlətinə belə baxacağıq. Bu sizin şəklinizdir”, – deyə prezident çıxışında bildirib.
O, məsələni Rusiyaya qarşı getdikcə daha güclü sanksiyalarla da gündəmə gətirib.
