Ukrayna prezidenti Vladimir Zelenski Vladimir Putinlə “istənilən formatda” birbaşa danışıqlar aparmaq istəyir. Bir sıra mediaya görə, Zelenski bunu bazar ertəsi gecə Ukrayna televiziyasında deyib.
“Belə bir görüş olmadan onların müharibəni bitirmək üçün nə etməyə hazır olduqlarını tam başa düşmək mümkün deyil”, o, “The Guardian”a deyib.
Prezidentin sözlərinə görə, belə danışıqlar zamanı bütün məsələlər, o cümlədən Krımın və Donbasın statusu müzakirə olunacaq.
– Hər şeyi həll etməliyik? Yox. Ancaq bir şans var ki, biz ən azı bəzi hissələri həll edə bilərik – və heç olmasa müharibəni bitirə bilərik.
Bazar ertəsi Kreml bəyan edib ki, prezidentlər arasında görüş üçün hələ də heç bir şərait yoxdur.
