Ukrayna Rusiya prezidenti Vladimir Putini və onun yüksək səviyyəli hərbi komandirlərini müharibəyə başlamaq üçün mühakimə etmək planı hazırlayır.
Beynəlxalq tribunalın planına Ukrayna prezident administrasiyasının rəhbəri Andriy Smirnov rəhbərlik edir.
İttiham aktı 2010-cu ildə qəbul edilmiş Roma Statutunun bir hissəsi olan təcavüz cinayətlərinə aid olacaq.
Son 20 ildə dünyanın ən ağır cinayətləri ilə mübarizə aparan Beynəlxalq Cinayət Məhkəməsi (ICC) artıq Ukraynada hərbi cinayətlər, insanlıq əleyhinə cinayətlər və soyqırımı ilə bağlı araşdırmalar aparır.
Lakin BCM təcavüz cinayətləri ilə bağlı iddiaları araşdıra bilmir, çünki nə Rusiya, nə də Ukrayna Roma Statutunu ratifikasiya etməyib.
Smirnov deyir ki, Ukraynanın təşəbbüsü ilə yaradılan tribunal “Ukraynada müharibəni başlatmış cinayətkarların tez bir zamanda məhkəmə qarşısına çıxarılmasını təmin etməyin yeganə yoludur”. (TT)
