Ukrayna baş nazirinin müavini İrina Vereşçuk deyir ki, Rusiya ilə məhbus mübadiləsi üzrə danışıqlar aparılır.
O, Facebook-da yazır ki, Ukraynaya Mariupoldakı Azovstal polad zavodunda qalan yaralı əsgərləri götürməyə icazə verilməsi müqabilində onlar əsir düşən rus əsgərlərini təhvil verməyi təklif edirlər. Lakin o, qeyd edir: “Hələlik heç bir razılaşma yoxdur. Danışıqlar yaxşı gedir”.
CNN xəbər verir ki, Rusiya hakimiyyət orqanları işğalın başlanmasından bəri ilk dəfə döyüşlərin Rusiya tərəfində mülki insanların həyatını itirdiyini bildirib.
Belqorod vilayətinin qubernatoru Vyaçeslav Qladkov deyir ki, Rusiyanın sərhəddən bir mil məsafədə yerləşən Soloçi kəndində bir nəfər Ukrayna tərəfdən açılan atəş nəticəsində həlak olub. Məlumat təsdiqini tapmayıb.
Son vaxtlar Belqorod vilayətində bir neçə partlayış baş verib.
