Qubernator Oleq Sinegubov Telegram-a bildirib ki, Ukraynanın ikinci böyük şəhəri Xarkov yaxınlığında əks-hücum əməliyyatına başlayan Ukrayna qüvvələri indi Rusiya sərhədinə çatıb.
Mesaj onlarla Ukrayna əsgərinin ölkələr arasındakı sərhəd nişanının yanında poza verdiyi video ilə birlikdə yayımlanıb.
“Biz öz həyatlarını riskə atan və Ukraynanı rus işğalçılarından azad edən hər kəsə təşəkkür edirik”, – qubernator yazıb.
Son günlər Ukrayna qüvvələrinin ölkənin şimal-şərqində əhəmiyyətli irəliləyiş əldə etdiyi bildirilir. Dəqiq neçə əsgərin sərhədə çatdığı hələ də bəlli deyil.
