Çərşənbə günü Rusiya “Şimal axını 1” qaz kəməri ilə Avropaya təbii qaz axınını ümumi tədarük gücünün 20 faizi ekvivalentinə qədər azaldacaq. Tıxanma Rusiyanın qaz inhisarçısı “Qazprom”un əvvəllər verdiyi siqnallara uyğundur.
“Qazprom”un məlumatına görə, tədarüklərin azaldılması texniki nasazlıqlarla bağlıdır. Rusiya qazından asılı olan Almaniya Rusiyanı qazdan müharibə diplomatiyasında rıçaq kimi istifadə etməkdə ittiham edib.
Çərşənbə axşamı günü Aİ ölkələri Rusiya qazından asılılığı azaltmaq üçün qazdan istifadənin könüllü olaraq 15 faiz azaldılması barədə razılığa gəliblər. Aİ-nin qərarı qismən “Qazprom”un axının azaldılması barədə açıqlamasına cavab idi.
