Ukraynanın işğalına etiraz olaraq canlı yayımda çıxış edən rusiyalı telejurnalist həbs edilib.
Telegram proqramında onun hesabında olan mesajda onun harada olmasının məlum olmadığı bildirilir.
Həbs o, Ukraynanın işğalını və prezident Vladimir Putini tənqid edən plakatlarla Kreml yaxınlığında təkbaşına nümayiş keçirdikdən bir neçə gün sonraya təsadüf edir.
Marina Ovsjannikova mart ayında Moskvada Rusiyanın dövlət 1-ci kanalında yayımlanan xəbərin ortasında studiyaya addımlayanda bütün dünyada tanınıb. O, iş yoldaşlarının arxasında “Müharibəni dayandır. Təbliğata inanma. Sənə yalan danışırlar” yazısı olan lövhə qaldırıb.
O, həbs edilib və cərimə cəzasına məhkum edilib. Rusiya hakimiyyəti mediaya Ukraynadakı müharibəni “müharibə”, “hücum” və ya “işğal” kimi sözlərlə təsvir etməyi qadağan edib. Yalnız hökumət mənbələrindən rəsmi məlumat verilə bilər. (TT)
