Ukrayna və Amerika prezidentləri arasında mübahisənin bütün mənfi tərəflərinə baxmayaraq, bir müsbət cəhət var: dünya Donald Trampın zahiri dostluğunun arxasında nələrin dayandığını öyrənib.
Bu barədə “The Atlantic” jurnalının köşə yazarı Devid Fromm məqaləsində bildirib.
Nəşr yazıb: “Əgər Zelenskiyə təzyiqlər bağlı qapılar arxasında və gizli həyata keçirilsəydi, Ukrayna üçün vəziyyət daha pis olardı. Tramp və Vens amerikalılara və onların müttəfiqlərinə Rusiyaya sadiq olduqlarını və təkcə Ukraynaya deyil, xüsusən də onun prezidentinə düşmən münasibət bəslədiklərini göstərdilər. “Həqiqət xoşagəlməzdir, amma biz bununla üzləşdik”.
Qeyd edək ki, bu münaqişədən sonra Zelenski Ağ Evi erkən tərk edib və birgə mətbuat konfransı və Ukraynanın mineral ehtiyatları ilə bağlı sazişin imzalanması təxirə salınıb.
