Ukrayna prezidenti Vladimir Zelenski Rusiya prezidenti Vladimir Putinlə danışıqlara hazırdır, lakin eyni zamanda, uğursuz danışıqların “üçüncü dünya müharibəsinə” gətirib çıxara biləcəyi barədə xəbərdarlıq edir.
– Mən onunla danışıqlara hazıram. Son iki ildə hazıram. Və düşünürəm ki, danışıqlar olmadan biz bu müharibəni bitirə bilmərik, Zelenski bazar günü CNN-ə deyib.
Müharibənin dayandırılması üçün cəmi bir faiz şansı olsa belə, bundan istifadə etmək lazım olduğuna inanır.
– Rus qüvvələri bizi məhv etməyə, öldürməyə gəliblər. Biz isə xalqımızın və ordumuzun ləyaqətini göstərə, güclü zərbə vura, cavab zərbəsi endirə bilərik. Amma təəssüf ki, ləyaqətimiz həyatı qoruya bilməyəcək, – Zelenski deyir.
– Odur ki, mən hesab edirəm ki, biz istənilən formatdan istifadə etməliyik, danışıqlar aparmaq, Putinlə danışmaq imkanımız olsun. Lakin bu cəhdlər uğursuz olarsa, bu, üçüncü dünya müharibəsi deməkdir, o əlavə edir.
