Ukraynanın xarici işlər naziri Dmitri Kuleba Berlində amerikalı həmkarı Antoni Blinkenlə görüşüb. Kulebanın sözlərinə görə, tərəflər Ukraynaya “daha çox silah və yardım”, eləcə də ərzaq ixracının davam etdirilməsi üçün tədbirlər haqqında razılığa gəliblər.
Kuleba görüşdən foto paylaşaraq Twitter-də yazıb: “Ukraynanın ərzaq ixracatının Afrika və Asiyada istehlakçılara çatmasını təmin etmək üçün bir-birimizlə yaxından işləməyə razılaşdıq”.
O, həmçinin Blinkenə və ABŞ-a “liderliklərinə və sarsılmaz dəstəyə” görə təşəkkür edir.
Razılaşmanın təfərrüatları Ağ Ev tərəfindən təsdiqlənməyib. Lakin ABŞ Dövlət Departamentinin sözçüsü Sky News-a istinadən bildirir ki, Entoni Blinken görüşdə “ABŞ-ın Ukraynanın müdafiəsini gücləndirmək üçün təhlükəsizlik yardımının son hissəsi ilə bağlı təfərrüatları çatdırıb”.
