Ukrayna: Mariupoldan olan hərbi əsirlər azadlığa buraxılmaq üzrədir

Ukraynanın kəşfiyyat xidməti Rusiyanın Mariupolda əsir götürdüyü hərbi əsirlərin rus əsgərləri müqabilində azadlığa buraxıla biləcəyini açıqlayıb, Ukraynanın “Suspilne” qəzeti yazır.

Hərbi kəşfiyyat xidmətinin və məhbusların müalicəsi üzrə əlaqələndirici heyətin rəhbəri Kirilo Budanov radio verilişində deyib: “Ümid edirəm ki, yaxın gələcəkdə bir çox insanlar öz sevdiklərini evdə görəcəklər”.

Budanovun sözlərinə görə, bu, birdəfəlik deyil, bir neçə məhbus mübadiləsinin tərkib hissəsidir.

“Yaxın gələcəkdə onlar az-çox əhəmiyyətli sayda məhbusu azad edə biləcəklərinə ümid edirlər. Ən böyük problem aparıcı mövqelərə malik olan hərbçilərin dəyişdirilməsidir, daha aşağı rütbəlilər isə daha asandır”, – Budanov bildirir.

Ukrayna prezidenti Vladimir Zelenskinin sözlərinə görə, Maiupolu müdafiə edən 2500 əsgər Rusiya tərəfindən əsir götürülür. Hərbi əsirlərin əksəriyyəti Donetsk vilayətinin işğal olunmuş Olenivka rayonundakı düşərgədədir.