Çərşənbə axşamı Ukrayna və Rusiya arasında İstanbulda keçirilən danışıqlar başa çatıb, Reuters Ukraynanın Türkiyədəki səfirliyinə istinadən xəbər verir.
“Reuters”in məlumatına görə, Ukrayna nümayəndə heyətinin müzakirəçisi deyir ki, danışıqlar zamanı onlar təhlükəsizlik zəmanətlərinin necə verilə biləcəyini müzakirə ediblər. Ukrayna hesab edir ki, Türkiyə, Polşa, İsrail və Kanada Ukraynanın təhlükəsizliyini təmin edən sistemdə mühüm rol oynaya biləcək ölkələrdir.
Müzakirəçi həmçinin deyir ki, Rusiya ilə razılaşmanın şərtlərini təsdiqləmək üçün Ukraynada referendum keçirilməlidir. Eyni zamanda, danışıqların iştirakçısı deyir ki, Rusiya ilə razılığa gəlməzdən əvvəl Ukraynanın bütün bölgələrində döyüşlər bitməlidir.
Ukraynanın fikrincə, danışıqlar ölkə prezidentləri arasında görüşün baş tutması üçün kifayət qədər mərhələyə çatıb.
Rusiya prezidentinin müşaviri Vladimir Medinski Rusiya nümayəndə heyətinə başçılıq edir və Reuters agentliyinin məlumatına görə, çərşənbə axşamı keçirilən danışıqların konstruktiv keçdiyini bildirib. Onun sözlərinə görə, indi Ukraynanın təklifləri nəzərdən keçiriləcək və Vladimir Putinin təklifləri barədə məlumat veriləcək.
