Rəcəb Tayyib Ərdoğan və Vladimir Putin ikitərəfli münasibətləri və beynəlxalq məsələləri müzakirə edəcəklər
Diyar Güldoğan |
05.08.2022
ANKARA
Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə danışıqlar aparmaq üçün cümə günü Rusiyanın sahil şəhəri Soçiyə bir günlük işgüzar səfərə gəlib.
Türkiyə Cumhurbaşkanlığından verilən məlumata görə, Ərdoğan və Putin regional və beynəlxalq məsələləri, həmçinin Türkiyə-Rusiya münasibətlərini müzakirə edəcəklər.
Liderlər təkbətək görüş keçirəcək, nümayəndə heyətləri arasında danışıqlara sədrlik edəcəklər.
Suriya böhranı və artıq altıncı ayı olan davam edən Rusiya-Ukrayna müharibəsi kimi mövzuların müzakirə ediləcəyi gözlənilir, Türkiyənin Ukraynanın taxıl ixracatının qarşısını almaq üçün diplomatik səyləri də gündəmdə olacaq.
Liderlər əsasən iqtisadiyyat, ticarət və enerji sahələrində ikitərəfli əlaqələri qiymətləndirəcəklər.
Ərdoğan və Putin arasında iki həftə ərzində ikinci təkbətək görüş olacaq. Onlar sonuncu dəfə iyul ayında Tehranda Suriya ilə bağlı Astana formatı danışıqları zamanı görüşüblər.
