Səhər saatlarında Ukraynanın paytaxtında sirenlər səslənib

KİV-in məlumatına görə, gecə Kiyev küçələrində Rusiya qoşunları ilə Ukrayna qüvvələri arasında toqquşma olub.
Ali Cura, Talha Yavuz və Busra Nur Çakmak |
26.02.2022
KYIV, Ukrayna/ANKARA

Rusiya hərbçilərinin gecə boyu Kiyev küçələrində Ukrayna qüvvələri ilə toqquşması barədə mətbuatda yayılan xəbərlərdən sonra şənbə günü səhər Ukrayna paytaxtında sirenlər səsləndi.

Ukrayna prezidenti Vladimir Zelenski gecənin çətin olacağı və Kiyevin itirilməməsi barədə xəbərdarlıq etdikdən sonra səhərə kimi toqquşma və partlayış səsləri daha çox şəhərin yaşayış məntəqələrində eşidilib.

Bildirilib ki, rus qoşunları Kiyevin qərb girişindəki Qələbə küçəsindən küçə toqquşmaları vasitəsilə şəhərə daxil olmağa çalışıb.

Ukrayna Quru Qoşunlarının mətbuat xidməti yerli vaxtla saat 4.08-ə (02:08) Qələbə küçəsi ətrafındakı hərbi hissəyə hücumun dəf edildiyini və vəziyyətin sakit olduğunu bildirib.

KİV-in məlumatına görə, Kiyevin Vasilkov qəsəbəsində şiddətli silahlı toqquşmalar baş verib.

Vasilkov meri Nataliya Balasynovych 1+1 televiziya kanalına bildirib ki, çoxlu sayda rus əsgəri paraşütlə bölgəyə daxil olub. Balasynovych şəhərdə toqquşmaların olduğunu və rus əsgərlərinin raket hücumları həyata keçirdiyini, Ukrayna Silahlı Qüvvələri arasında ölənlərin olduğunu bildirib.

Ukraynanın xarici işlər naziri Dmitri Kuleba Tvitter hesabında bunları deyib: “Möhtəşəm, dinc şəhərimiz olan Kiyev daha bir gecə də Rusiya quru qüvvələrinin hücumları, raketlər altında sağ qaldı. Onlardan biri Kiyevdə yaşayış binasını vurdu. Dünyadan tələb edirəm: Rusiyanı tamamilə təcrid edin, səfirləri qov, neft embarqosu, iqtisadiyyatını məhv et. Rus hərbi cinayətkarlarını dayandır!”

Zelenski ilə Makron telefonla danışır

Zelenski şənbə günü səhər deyib ki, o, fransalı həmkarı ilə telefonla danışıb, vəziyyəti müzakirə edib.

“Diplomatik cəbhədə yeni gün Emmanuel Makronla söhbətlə başladı. Tərəfdaşlarımızın silah və texnikası Ukraynaya gedir. Müharibə əleyhinə koalisiya işləyir!” Zelenski Twitter-də bildirib.

Ukrayna prezidenti həmçinin Twitter-də prezident aparatının qarşısındakı “Kimeralı ev”in qarşısında video paylaşıb.

“Biz buradayıq. Biz döyüşürük. Ukraynaya həmd olsun”, – deyən Zelenski Ukraynanı tərk etməyəcəyini vurğulayıb.

Rusiyanın Ukraynaya hərbi müdaxiləsi şənbə günü rus qoşunlarının Ukrayna qüvvələri ilə paytaxt Kiyevdə toqquşduğunu göstərən son məlumatlarla üçüncü gününə daxil olub.

Rusiya prezidenti Vladimir Putin Ukraynanın şərqində separatçıların nəzarətində olan iki anklavı tanıdıqdan bir neçə gün sonra cümə axşamı hərbi müdaxiləyə göstəriş verib.

O, Moskvanın qonşu ölkəni işğal etmək planının olmadığını, ancaq Ukraynanı “demilitarizasiya” və “azifikasiya etmək” istədiyini iddia edib.

Zelenski Rusiyanı marionet hökumət qurmaq cəhdində ittiham edib və ukraynalıların öz ölkələrini Rusiyanın təcavüzündən müdafiə edəcəklərini bildirib.