Kremlin sözçüsü Dmitri Peskov bildirib ki, Rusiya tezliklə İranla hərtərəfli strateji əməkdaşlıq haqqında müqavilə imzalamağa ümid edir.
Rusiyanın xarici işlər naziri Sergey Lavrov bir ay əvvəl İranın paytaxtı Tehranda olub və iranlı həmkarı ilə danışıb, Dmitri Peskov İranın dövlət televiziya və radio şirkətinə müsahibəsində bildirib.
– Biz bu hərtərəfli müqavilənin layihəsini iyunun ortalarında təhvil vermişik, – Peskov deyir.
– Ümid edirik ki, İran tərəfinin fikirləri ilə bağlı müəyyən düzəlişlər edildikdən və razılaşdırıldıqdan sonra biz onu tezliklə imzalamağa hazır ola bilərik.
Rusiya prezidenti Vladimir Putin çərşənbə axşamı Tehranda İran prezidenti İbrahim Rəisi və Türkiyə prezidenti Rəcəb Tayyib Ərdoğanla görüşdə iştirak edəcək. Putin, həmçinin ikisi ilə ayrı-ayrılıqda görüşlər keçirəcək və Peskovun sözlərinə görə, İranın ali dini lideri Ayətullah Əli Xameneiyə də baş çəkəcək.
Səfər fevralda Ukraynaya genişmiqyaslı işğalın başlamasından bəri Vladimir Putinin ikinci xaricə səfəridir. Keçən ay o, Tacikistanda idi.
