(CNN)-Rusiya Braziliyadan Beynəlxalq Valyuta Fondu, Dünya Bankı və G20-nin aparıcı iqtisadiyyatları qrupundan dəstək istəyib.
Rusiyanın maliyyə naziri Anton Siluanov İqtisadiyyat naziri Paulo Guedesə məktub yazaraq, “beynəlxalq maliyyə qurumlarında və çoxtərəfli forumlarda siyasi ittihamların və ayrı-seçkilik cəhdlərinin qarşısını almaq üçün Braziliyadan dəstək” istəyib.
“Pərdəarxası BVF və Dünya Bankında Rusiyanı qərar qəbul etmə prosesindən məhdudlaşdırmaq və hətta qovmaq üçün iş gedir”, – Siluanov yazıb.
Ukraynadakı müharibədən bəhs edilməyən məktub martın 30-da yazılmışdı və çərşənbə günü Rusiyanın Braziliyadakı səfiri tərəfindən Braziliyalı nazirə göndərilib.
“Bildiyiniz kimi, Rusiya ABŞ və müttəfiqlərinin tətbiq etdiyi sanksiyalar nəticəsində yaranan çətin iqtisadi və maliyyə burulğanı dövrünü yaşayır”, – deyə rusiyalı nazir bildirib.
ABŞ-ın maliyyə naziri Janet Yellen keçən həftə Rusiyanın işğalı əsas gətirərək, ABŞ-ın G20-nin heç bir iclasında iştirak etməyəcəyini söylədi.
Siluanov bildirib ki, Rusiyanın beynəlxalq ehtiyatlarının demək olar ki, yarısı dondurulub və xarici ticarət əməliyyatları, o cümlədən inkişaf etməkdə olan bazar iqtisadiyyatı tərəfdaşları ilə bağlanır.
“ABŞ və onun peykləri Rusiyanı beynəlxalq ictimaiyyətdən təcrid etmək siyasəti yürüdür”, – o əlavə edib.
Siluanov deyib ki, sanksiyalar BVF və Dünya Bankını yaradan Bretton Woods sazişlərinin prinsiplərini pozur.
“Biz hesab edirik ki, G7 ölkələri tərəfindən irəli sürülən misli görünməmiş iqtisadi sanksiyaların səbəb olduğu mövcud böhran, həll etmək üçün birgə tədbirlər görməsək, uzunmüddətli nəticələrə səbəb ola bilər” dedi Guedes-ə.
İşğaldan bir neçə gün əvvəl Moskvaya səfər edən Braziliyanın ifrat sağçı prezidenti Jair Bolsonaro, Ukrayna böhranında Braziliyanı neytral saxladı və Bayden administrasiyasının tənqidinə tuş gələrək işğalı qınamadı.
Bolsonaro Rusiya prezidenti Vladimir Putini fevralın 16-da, işğal başlamazdan təxminən bir həftə əvvəl Kremldə ziyarət edərkən “həmrəylik” ifadə etdi.
Braziliyanın xarici işlər naziri Karlos Franka bildirib ki, Braziliya ABŞ-ın istədiyi kimi Rusiyanın G20-dən çıxarılmasına qarşıdır.
Franka martın 25-də Senatda keçirilən dinləmələrdə deyib: “Hazırda ən vacib şey bütün beynəlxalq forumların, G20, ÜTT, FAO-nun tam fəaliyyət göstərməsidir və bunun üçün bütün ölkələrin, o cümlədən Rusiya iştirak etməsi lazımdır”.
