“The Guardian” xəbər verir ki, çərşənbə axşamı Rusiya Müdafiə Nazirliyi ABŞ-ı Ukraynadakı müharibədə “birbaşa iştirakda” ittiham edib.
Nazirlik iddia edib ki, ABŞ kəşfiyyatı “mülki əhalinin kütləvi ölümü”nün arxasında dayanır və digərləri ilə yanaşı, Ukraynanın Donbasın şərqindəki ərazilərə raket hücumlarına görə də ABŞ məsuliyyət daşıyır.
Rusiyanın ittihamları Ukraynanın kəşfiyyat xidmətinin rəhbəri vəzifəsini icra edən Vadim Skibitskinin The Telegraph qəzetində verdiyi müsahibədən sonra səsləndirilib. Skibtsky bildirib ki, ABŞ-ın təchiz etdiyi Himars raket artilleriya sistemləri Rusiyanın yanacaq və sursat anbarlarını məhv etməkdə “son dərəcə effektiv” olub.
Digər tərəfdən Skibitsky, ABŞ kəşfiyyatının sistemlərin hədəf alması üçün xüsusi hədəflər haqqında məlumat verdiyini təkzib etdi, lakin lazım bildiyi təqdirdə ABŞ-ın atəşə veto qoyma hüququna malik olduğunu etiraf etdi.
– Bu, danılmaz şəkildə sübut edir ki, Vaşinqton, Ağ Ev və Pentaqonun əksini iddia etməsinə baxmayaraq, Ukraynadakı münaqişədə birbaşa iştirak edir, Rusiya Müdafiə Nazirliyinin bəyanatında deyilir.
