İsrailin baş naziri Benyamin Netanyahu Fələstin prezidenti və Fələstin Muxtariyyətinin lideri Mahmud Abbasın müharibədən sonra Qəzzanın idarəçiliyinə keçə biləcəyini istisna edib. İordan çayının qərb sahilini 2005-ci ildən idarə edən Abbas son günlər bu təklifi irəli sürüb.
Axios yazır ki, şənbə günü mətbuat konfransında Netanyahu Abbasın İsraildə oktyabrın 7-də törədilmiş qətliamı qınamadığını deyib.
Onun sözlərinə görə, Qəzzada uşaqlarına İsrailə nifrət etməyi və İsraili məhv etməyi öyrədən bir mülki hakimiyyət olmayacaq.
Beləliklə, İsrailin mövqeyi ABŞ, bir sıra Avropa ölkələri və ərəb dünyasının mövqeyindən fərqlidir və bunların hamısı Fələstin Muxtariyyətinin gələcəkdə Qəzza zolağında mühüm rol oynayacağına işarə edir.
