İsveçdə məktəb yaxınlığında baş vermiş silahlı insidentdə 10-a yaxın adam həlak olub.
“Report” TASS-a istinadən xəbər verir ki, bu barədə polis orqanları məlumat yayıb.
“Hadisə nəticəsində 10-a yaxın adam ölüb. Hazırda kimliyin müəyyənləşdirilməsi üzərində işləyirik. Qurbanların ümumi sayı məlum deyil”, – məlumatda deyilir.
Mətbuat konfransında polis rəsmiləri atəş açan şəxsin öldürüldüyünü əlavə edib. O, tək hərəkət edib və motivləri bəlli deyil.
