İranda azlıq olan ermənilərin dili tədris oluna bilər, amma çoxluq olan türklərin yox.

İsfahan Universitetinin rektoru Hüseyn Hərsic :

“İsfahan Universitetində erməni dili və ədəbiyyatının tədrisi İrəvan və İsfahan universitetləri arasında elmi əlaqələrin genişlənməsinə səbəb olub.

Erməni dili və ədəbiyyatı ixtisasının açılması İsfahan Universitetinin erməni icması ilə əlaqələri inkişaf etdirməklə yanaşı, həm də erməni icmasından bir çox maraqlı şəxslərin bu universitetdə təhsil almasına imkan yaradıb.

Biz bütün insanların hüquqlarını tanıyan və dini azlıqların müsəlman soydaşları ilə sülh şəraitində yaşayan bir ölkədə yaşayırıq”.

Qeyd edək ki, İsfahan Universitetinin Xarici dillər fakültəsində erməni dili və ədəbiyyatı ixtisası 1960-cı ildə fəaliyyətə başlayıb və indiyədək burada 500-ə yaxın tələbə təhsil alıb.