İran Milli Araşdırmalar İnstitutunun direktoru Əkbər Babaei iddia edib ki, Konstitusiyanın 15-ci maddəsində “məktəblərdə və mətbuatda yerli və etnik dillərdə ədəbiyyatın tədrisi” azadlığı ilə bağlı qeyd olunanlar türklərə, bəluçlara, ərəblərə və başqalarına deyil, yalnız ermənilərə aiddir!
Əkbər Babaei, “Fars kimliyi və dili; İslam İnqilabı İncəsənət Sahəsinin Fars Dilini Qoruma İdarəsi tərəfindən təşkil edilən “Çağırışlar, Həll yolları”nda “etnik kimliklərə əsaslanan xüsusiyyətlərin yerinə yetirilməsi” və “virtual məkan və internet mediası” “milli birlik və həmrəylik” və “fars dilinin qarşısında duran çağırışlar”ın əsas qayğıları hesab edilib.
Baxmayaraq ki, konstitusiyanın 15-ci maddəsində “Mətbuatda və kütləvi informasiya vasitələrində yerli və etnik dillərdən istifadə və onların ədəbiyyatının məktəblərdə tədrisi fars dili ilə yanaşı azaddır” ifadəsi açıq şəkildə göstərilib. Amma İranşəhridən olan bu faşist adam gülünc açıqlaması ilə burada türkləri, bəluçları, ərəbləri və digərləri deyil, sadəcə “erməniləri” nəzərdə tutduğunu iddia edib.
Əkbər Babaei deyib: “Biz konstitusiyada etnik dil sözünü işlətmirik. Etnik sözü isə əslində ermənilər üçün işlədilir 15. Konstitusiyanın ratifikasiya olunduğu zaman yazılan danışıqlar mətninə müraciət etsəniz görərsiniz ki, bu prinsipi səsə qoyanda etnik sözü işlədilməyib.O vaxt ermənilərin nümayəndəsi bir irad tutaraq deyirdi ki, biz konkret məhəllədə yaşamırıq, amma biz ölkənin bəzi yerlərində səpələnmiş halda yaşayırıq və biz nəyə borcumuz olacaq? Şəhid Beheşti dedi ki, ona etnik söz əlavə edin. Yəni dini azlıqlar üçün etnik sözünü işlədiblər. Təəssüf ki, son illərdə bu söz etnik və fərqli hərəkatlar tərəfindən işlədilir”.
İran Milli Araşdırmalar İnstitutunun direktoru daha sonra deyib ki, “türk, bəluç, gilək, ərəb və s. dillərin üstünlüyü” “fars dilinin marjinallaşmasına” və “fars dilinin qarşısında duran problemlərdən biri”nə səbəb olub.
Bu panfars millətçi ekstremist daha sonra qeyri-fars millətlərin milli fəallarını “etnikçi” adlandıraraq dedi: “Başqa bir problem odur ki, etnosentrizm diskursu dillə bağlı məsələni elit səviyyədən ümumi səviyyəyə sürükləyir. Yəni elitanın tələbləri ictimai tələblər səviyyəsinə çatdırılır və ölkənin bir neçə rayonlarının şəhər sovetlərində bəzi şəxslərin olması bu məsələni qızışdırıb. Hətta bəzi insanlar fars dilini fars xalqının hakim dili hesab edirlər.
O, İranın qeyri-fars xalqlarının hüquqlarına məhəl qoymayaraq dedi: “Biri yerli dilləri ön plana çıxararaq, fars dili ilə ziddiyyət təşkil edərək sahəni daraltmağa çalışan etnosentrizm cərəyanıdır”.
İrandakı faşistlər fars dilini qoruyub saxlamaq və təbliğ etmək üçün ölkənin bütün imkanlarından istifadə edib, hər il xalqın cibindən bu işə milyardlarla tümən pul ayırsalar da, “fars dilinin zəifləməsindən” narahatdırlar. Amma qeyri-fars millətlərin ana dilini sıxışdırıb məhv edirlər.
