Rusiyanın Ukraynada işğalçı müharibəsi fevralın sonunda başlayandan bəri, demək olar ki, 9000 Ukrayna əsgəri həlak olub.
Reuters xəbər verir ki, bunu Ukrayna Silahlı Qüvvələrinin baş komandanı Valeri Zalujnı veteranların və həlak olan hərbçilərin yaxınlarının xatirəsinə həsr olunmuş konfransda deyib.
Zalujnı digər məsələlərlə yanaşı, Ukraynada müdafiəyə ehtiyacı olan çoxlu uşaqların olduğunu bildirib.
– Onlar həqiqətən nə baş verdiyini anlamırlar və mütləq qorunmağa ehtiyac duyurlar, çünki ataları cəbhədə və ola bilsin ki, həlak olan 9000-ə yaxın qəhrəman arasında döyüşür.
O, ölənlərin sayı barədə ətraflı məlumat verməyib və bura bütün hərbi qulluqçuların daxil olub-olmadığını dəqiqləşdirməyib.
