Mariupoldakı “Azovstal” polad zavodunda döyüşmüş 100-dən çox ukraynalı məsuliyyətə cəlb olunacaq. Bunu Rusiyanın dəstəklədiyi separatçı Donetsk Xalq Respublikasının lideri Denis Puşilin CNN telekanalına istinadən xəbər verir.
Puşilinin sözlərinə görə, onlar artıq məhbus kimi saxlandıqları yerlərdən təcridxanaya aparılıblar və hazırda məhkəmə onları gözləyir.
Qərb hökumətləri və insan haqları qrupları indi ukraynalıların ölümə məhkum olunma riskindən ehtiyat edirlər.
Cümə günü qondarma Donetsk Xalq Respublikası edamlara qoyulan qadağanı ləğv edib. Rusiya dövlət xəbər agentliyi TASS xəbər verir ki, parlamentin cinayət və inzibati hüquq üzrə komitəsinin sədri Yelena Şişkina deyib ki, “ölüm cəzasının tətbiqi alternativi çox ağır cinayətlərə qarşı çəkindirici rol oynayacaq”.
Şişkina daha əvvəl ukraynalı “Azov” qırıcılarının əsir mübadiləsi çərçivəsində azadlığa buraxılma ehtimalını istisna edib.
